كلّمنا دلوقتي

صيغ STL و OBJ و 3MF — دي اللي بتظهر معاينتها على الموقع، لحد 300 ميجابايت من الكمبيوتر (و 100 لملفات OBJ) أو 60 ميجابايت من الموبايل. لو ملفك STEP أو SolidWorks أو Fusion، ابعتهولنا على واتساب وإحنا نحوّله.

بيتحسب من حجم المجسم الحقيقي وكثافة الخامة وزمن الطباعة، فهو قريب من النهائي. برضه بنراجع كل ملف بإيدينا قبل التأكيد — ولو في حاجة محتاجة تتغير بنقولك قبل الطباعة، مش بعدها.

ابعتلنا رسمة أو صورة أو المقاسات على واتساب. إحنا نعملك التصميم — والتصميم بيتسعّر منفصل عن الطباعة.

معظم الطلبات بتبقى جاهزة في 3–5 أيام حسب الحجم والدور. محتاجها أسرع؟ علّم على «تنفيذ سريع 24 ساعة» في الاستوديو وهنطبعها خلال 24 ساعة (التوصيل بياخد وقت زيادة، والطبعات الطويلة أوي بنأكدها معاك الأول).

أيوة — لأي مكان في مصر بشركة شحن. سعر الشحن بيختلف حسب المحافظة وبيتأكد على واتساب قبل الدفع.

بنأكد الطلب على واتساب الأول. بعدين إنستاباي أو فودافون كاش أو تحويل بنكي — أو الدفع عند الاستلام جوه القاهرة. مش بيتخصم أي حاجة قبل ما نتأكد إن الطباعة ممكنة.

أيوه — الطابعة بتشتغل بأكتر من لون في نفس الطبعة، يعني هتستلم القطعة النهائية بالألوان اللي اخترتها، مش أجزاء تلزقها بنفسك. بس الطابعة لازم تعرف كل جزء لونه إيه، وهي بتشيل 4 خيوط في نفس الوقت — أكتر من كده ينفع بتغيير خيط أو طبعة تانية، وبنأكد معاك الأول. لو ملفك فيه قطع منفصلة — STL فيه أكتر من قطعة، أو 3MF فيه أكتر من مجسم — الاستوديو بيعرض كل قطعة لوحدها وإنت تختار لونها. وملف 3MF بيجيب ألوانه معاه — الاستوديو بيقرا كل قطعة على أي خيط، وأي تلوين عملته في برنامج التقطيع، ويحطهم لوحده — وتقدر تغيّر أي لون منهم، حتى الألوان اللي لوّنتها في برنامج التقطيع.